Աթենքի կենտրոնում՝ Կոլոնակի շրջանում, Սուրբ Դիոնիսիոսի եկեղեցու մոտ գործարկվել է պայթուցիկ սարք։ Այս մասին հայտնում է «Sputnik Հունաստանը»: Նախնական տեղեկություններով՝ ոստիկանը թեթև վիրավորումներ է ստացել ձեռքերի եւ գլխի հատվածում, նրան հոսպիտալացրել են։ Ոստիկանից բացի, վիրավորվել է նաեւ եկեղեցու պահակը: Նա է տեսել կասկածելի իրը եւ ոստիկանություն կանչել: Հենց ոստիկանը մոտեցել է` ռումբը պայթել է։ Վկաների ցուցմունքների համաձայն՝ պայթյունը գետնին է տապալել կայանված մոտոցիկլետները, պայթյունի ալիքը մի կողմ է նետել աղբամանները: