Պերմի պետական համալսարանում տեղի ունեցած հրաձգության մասին վերջին տեղեկությունների համաձայն՝ զոհերի թիվը վեցն է, չնայած ավելի վաղ հայտնել էին ութ զոհի մասին:

Որոշ աղբյուրների համաձայն՝ հրազենային վիրավորումներից հիվանդանոցում մահացել է նաև հրաձիգը: Տարբեր վնասվածքներ է ստացել 24 մարդ՝ տեղեկացնում է RT-ը:

Հայտնի է դարձել նաև հարձակվողի ինքնությունը: 18-ամյա պատանին՝ Թիմուր Բեքմանսուրովը, սովորում էր նույն համալսարանում: Երիտասարդի հայրը զինվորական է, պայմանագրով ծառայում է Սամարայի շրջանում, մայրը հաշվապահ է: Տղայի ծնողները, որոնք ցնցված են նրա արարքից, քննիչներին ասել են, որ Թիմուրը սիրում էր կարդալ ռազմական և պատմական գրքեր, ու նրա պահվածքում կասկածելի ոչինչ չեն նկատել:

Հարձակումից առաջ Բեկմանսուրովը «ВКонтакте»-ի իր էջում գրառում էր արել, որտեղ խնդրել էր իր գործողությունը չդիտարկել որպես ահաբեկչություն և հայտարարել, որ չի անդամակցում ծայրահեղական կազմակերպությունների։ Նրա գրառման մեջ եղել են այսպիսի տողեր։ «Ես ինձ ատում եմ, բայց ուզում եմ ցավ պատճառել բոլոր նրանց, որոնք կկանգնեն իմ ճանապարհին»։ Ավելի ուշ, սոցիալական ցանցը

ջնջել է այդ գրառումը։