Ադրբեջանական հրետակոծության հետեւանքով վնասվել է Ջերմուկի զորամասը
Վայոց Ձորի մարզի Ջերմուկ համայնքի ուղղությամբ ադրբեջանական կրակոցներ այս պահին չկան։ Այս մասին 24News-ին ասել է Ջերմուկի համայնքապետ Վահագն Արսենյանը։
Ըստ նրա՝ ադրբեջանական զինված ուժերի հրետակոծության հետեւանքով զորամասն է վնասվել, իսկ քաղաքացիական օբյեկտները, Ջերմուկի առողջարանային համալիրն անվնաս են։
Պաշտպանության նախարարության վերջին հաղորդագրության մեջ նշվում է, որ ժամը 14։00-ի դրությամբ իրադրությունը հայ-ադրբեջանական սահմանագծի որոշ հատվածներում շարունակում է ծայրահեղ լարված մնալ:
«Չնայած հրետակոծության ինտենսիվության զգալի թուլացմանը՝ հակառակորդը շարունակում է դիրքային առաջխաղացման փորձերը, մասնավորապես՝ Ներքին Հանդի, Վերին Շորժայի, Արտանիշի և Սոթքի ուղղությամբ։ Հայաստանի Հանրապետության զինված ուժերի ստորաբաժանումները շարունակում են ողջ ծավալով կատարել իրենց առջև դրված մարտական խնդիրները»։
«Ադրբեջանական լայնածավալ ագրեսիայի հետևանքով զոհերի նախնական թիվը՝ 49 է», - ասված է հաղորդագրության մեջ։
