ՀԱՊԿ-ում արտահերթ նիստ է եղել. քննարկվել է հայ-ադրբեջանական սահմանին ստեղծված իրավիճակը
Հավաքական անվտանգության պայմանագրի կազմակերպության (ՀԱՊԿ) մշտական խորհուրդը այսօր կայացած արտահերթ նիստի ընթացքում քննարկել է հայ-ադրբեջանական սահմանի կարգավորման մեխանիզմների հնարավոր ակտիվացման վերաբերյալ առաջարկները։ Այս մասին գրում է ТАССը՝ հղում տալով ՀԱՊԿ մամուլի քարտուղար Վլադիմիր Զայնետդինովին։
«Սեպտեմբերի 13-ին հայկական կողմի նախաձեռնությամբ տեղի է ունեցել Հավաքական անվտանգության պայմանագրի կազմակերպության մշտական խորհրդի արտահերթ նիստ՝ ՀԱՊԿ քարտուղարության ղեկավարության և միացյալ շտաբի պետ, գեներալ-գնդապետ Անատոլի Սիդորովի մասնակցությամբ։
Խորհրդի անդամները ծայրահեղ մտահոգություն են հայտնել ստեղծված իրավիճակի վերաբերյալ և քննարկել իրավիճակի կարգավորման համար ՀԱՊԿ մեխանիզմների հնարավոր ներգրավման վերաբերյալ առաջարկները»,- նշվում է հաղորդագրության մեջ:
