Ֆրանսիայի հրապարակում եմ Արցախի, Սփյուռքի ու Հայաստանի պաշտպանության համար, որովհետև կարծում եմ, որ բոլոր տարատեսական խոսակցությունների, վարկածների հակառակ, բոլորիս համար պարզ է, որ մեր թշնամիների համար տարբերություն չկա արցախցի ես, հայաստանցի, թե սփյուռքահայ: Թուրքերի համար բոլորս թշնամի ենք, վստահաբար այստեղ հավաքվածները հայության համար են հավաքվել։  Այս մասին Ազատության հրապարակում լրագրողների հետ զրույցու ասաց ԱԳ նախկին նախարար Արա Այվազյանը:

Հարցին, թե հանրահավաքի պահանջներից մեկը Փաշինյանի հեռացումն է, ի՞նքն էլ է նույնը պահանջում, Արա Այվազյանն ասաց․«Ես կարծում եմ, որ այս հանրահավաքի իմաստն այսօր Արցախի և հայկական շահերի շուրջ է, ես դրա համար եմ եկել»:

Հարցին, թե իր պաշտոնավարման ժամանակ ԱԳՆ լուծումները ինչպես էին, այժմ խոսվում է վաշինգտոնյան և ռուսական լուծումների մասին, ինչպես էր իր պաշտոնավարման ժամանակ, Արա Այվազյանն ասաց․ «Կարծում եմ, հետևել եք իմ պաշտոնավարման ժամանակ ԱԳՆ դիրքորոշմանը, որը էապես տարբերվում է այսօրվա իրավիճակից: Ես պնդում եմ, որ այն կեցվածքը, որ որդեգրել էր ԱԳՆ-ն այդ ժամանակ, ճիշտ լուծում էր և մենք պետք է կանգնենք այդ սկզբունքների վրա: Այսինքն, Արցախի հարցի լուծումը պետք է խարսխված լինի Արցախի ժողովրդի ինքնորոշման իրավունքի վրա»:

Նա ասաց, որ իր պաշտոնավարման ավարտից հետո իշխանության անդամների հետ որևէ քննարկում չի ունեցել։