Որքան էլ լարված լինի տարածաշրջանում իրավիճակը, բանակցային գործընթացի սառեցումը համարում ենք կոնտր-արդյունավետ: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ 

Նա Բաքվին ու Երևանին կոչ է արել թափ հաղորդել երկկողմ հարաբերությունների կարգավորման գործին և համատեղ աշխատել։ 

«Մենք Տնտեսական ու ճանապարհային հաղորդակցությունների ապաշրջափակման նպատակով փոխվարչապետների գլխավորած եռակողմ աշխատանքային խմբին կցուցաբերենք անհրաժեշտ հնարավոր ամբողջական աջակցություն»,- ասել է Զախարովան։