ՏԵՍԱՆՅՈՒԹ․ Իսրայելում կրկին տեղի է ունենում լայնածավալ բողոքի ցույց
Թել Ավիվում կրկին տեղի է ունենում լայնածավալ բողոքի ցույց՝ ընդդեմ կառավարության դատական բարեփոխումների, որը նախկինում կասեցված էր, հայտնում է RIA Novosti-ի թղթակիցը։
Քաղաքի կենտրոնական փողոցները արգելափակված են, իսկ ոստիկանությունը հերթապահում է ցույցերի վայրում։
Իսրայելում Բենիամին Նեթանյահուի կառավարության դատաիրավական բարեփոխումների դեմ զանգվածային ինքնաբուխ բողոքի ցույցեր են տեղի ունենում արդեն տասնվեցերորդ շաբաթն անընդմեջ։ Այս շաբաթ օրը բողոքի ցույցեր են տեղի ունեցել Հայֆայում, Աշդոդում, Բերշեբայում և իսրայելական այլ խոշոր քաղաքներում։
Նեթանյահուն մարտի վերջին հայտարարեց դատաիրավական բարեփոխումների օրենսդրական գործընթացի դադարեցման մասին՝ հակառակորդների հետ բանակցելու և փոխզիջման հասնելու համար։ Խորհրդարանում բարեփոխումների հետագա քննարկումը կսկսվի Կնեսետի ամառային նստաշրջանի ընթացքում:
Այնուամենայնիվ, բողոքի ակցիայի կազմակերպիչները, վախենալով, որ վիճահարույց օրենքը, որը կոալիցիային վերապահում է վերահսկել դատավորների նշանակումները, կարող է արագ քվեարկության դրվել, խոստացել են շարունակել ցույցեր կազմակերպել այնքան ժամանակ, քանի դեռ բարեփոխումներն ամբողջությամբ չեն տապալվել:
