Բախմուտում հրադադարի մասին իր հայտարարությունը Պրիգոժինը կատակ է անվանել: Բանն այն է, որ «Վագներ» մասնավոր ռազմական ընկերության հիմնադիրը հայտնել է, որ հրադարար է Բախմուտում, որպեսզի լրագրողները դուրս գան այնտեղից: Այս մասին գրում է Коммерсантъ-ը: 

«Տեղեկություն է ստացվել, որ Կերբերը, Ուկրաինայի զինված ուժերի 57-րդ բրիգադի հրամանատարը ամերիկացի լրագրողներին տարել է Բախմուտ։ Որոշում է կայացվել դադարեցնել հրետանային կրակը, որպեսզի ամերիկացի լրագրողները կարողանան ապահով դուրս գալ Բախմուտից և գնալ տուն»,- ասվում է ձայնագրության մեջ, որը հրապարակել է Եվգենի Պրիգոժինի մամուլի ծառայությունը։

«Մենք ոչ մի կերպ չենք կարող բռնել Կերբերուսին, մենք որոշեցինք ծիծաղել: Հայտարարություն եմ արել... Տղերք, սա այնպիսի զինվորական հումոր ա... Մենք պրոպագանդայով չափից դուրս խցանումներ ունենք, քարոզչությունից արդեն գժվել ենք։ Ինձ թվում է, որ լրատվամիջոցները պետք է գնահատեն, թե ինչ են տալիս մարդկանց։ Մենք անընդհատ փորձում ենք գոնե ինչ-որ դրական բան գտնել, փոխանակ մոբիլիզացվելու և հասկանալու, որ ունենք հսկայական  խնդիրներ»,- ասել է Պրիգոժինը։

Հիշեցնենք, որ  Բախմուտի համար մարտերը շարունակվում են 2022 թվականի ամառվանից։ Հաղորդվում է, որ քաղաքը գրոհում են Wagner ռազմական ընկերության մարտիկները և վերահսկում են դրա մեծ մասը։ 2023 թվականի սկզբին, ըստ տեղական վարչակազմի, Բախմուտը ոչնչացվել է 60%-ով։ Ուկրաինայի նախագահ Վլադիմիր Զելենսկին հայտարարել է, որ Բախմուտի գրավումը Ռուսաստանի համար հնարավորություններ կբացի Կրամատորսկի և Սլավյանսկի վրա հարձակվելու համար։