Վրաստանում տղամարդը փորձել է 2 միլիոն դոլարով ուրան վաճառել
Վրաստանի պետական անվտանգության ծառայության հակահետախուզական վարչության աշխատակիցները ձերբակալել են մի տղամարդու, որը ծրագրել էր 2 միլիոն դոլարով ռադիոակտիվ նյութ վաճառել։
Ձերբակալվածը ծրագրել էր նյութը վաճառել Փոթի քաղաքում, որտեղ էլ ճիշտ ժամանակին ձերբակալվել է:
Ռադիոլոգիական հետազոտության համաձայն՝ փորձաքննության ներկայացված նյութը պարունակում է ռադիոակտիվ նյութ՝ ուրան, և պատկանում է միջուկային նյութի կատեգորիային։
Քրեական գործ է հարուցվել ռադիոակտիվ նյութերի ապօրինի շրջանառության հոդվածով։ Այժմ կասկածյալին սպառնում է մինչև 10 տարվա ազատազրկում։
