Անսթափ քաղաքացին կրակոցներ է արձակել Ստեփանակերտի Վերածննդի հրապարակում
Լուսադեմին` ժամը 05:45-ի սահմաններում հաղորդում է ստացվել, որ Ստեփանակերտի Վերածննդի հրապարակում հնչել են կրակոցներ։ Այս մասին հայտնում է ԱՀ ՆԳՆ ոստիկանությունը։
Դեպքի վայր է մեկնել քաղաքային վարչության ուժեղացված խումբը:
Պարզվել է, որ կրակոցները եղել են հրացանով, որի արձակողը՝ Ստեփանակերտ քաղաքի բնակիչ Ս. Մ.-ն է։ Վերջինս, անսթափ վիճակում, իրեն պատկանող երկփողանի հրացանով հրապարակում օդ է կրակել։
Հասարակական կարգը կոպիտ խախտած քաղաքացին բերման է ենթարկվել քաղաքային վարչություն։ Հանգամանքները պարզվում են։