ՏԵՍԱՆՅՈՒԹ․ Մարդկանց տարհանում են Սևաստոպոլի ծովային գոտուց
ՌԴ Սևաստոպոլի ծովային գոտում նավատորմը հայտնաբերել է վերգետնյա անօդաչու թռչող սարք, միջոցներ են ձեռնարկվում այն ոչնչացնելու համար։ Այս մասին Սևաստոպոլի նահանգապետ Միխայիլ Ռազվոժաևն է ասել, հայտնում է Readovka թելեգրամյան ալիքը։
Սևաստոպոլի նահանգապետի խոսքով՝ տեղի ունեցածի հետ կապված՝ հատուկ ծառայությունները սահմանափակել են նավակների տեղաշարժը Բալակլավայից դեպի լողափեր և հակառակ ուղղությամբ։ Լողափերից տարհանման կարիք չկա, իրավիճակը նավատորմի վերահսկողության տակ է, ընդգծել է նա։
«Մոտավորապես ժամը 13:00-ից հետո երթևեկության սահմանափակումը կվերացվի, և ջրային տրանսպորտը կվերսկսի աշխատանքը»,- ասել է Ռազվոժաևը։
Նշենք, որ ուկրաինական Nexta.live թելեգրամյան ալիքն է տեսանյութ հրապարակել, որում երևում է, որ մարդկանց տարհանում են լողափից։