Համացանցում նոր կադրեր են տարածվում իռլանդացի ռոք երգչուհի Շինեյդ Օ'Քոնորիի հուղարկավորության արարողությունից։ Նշենք, որ երգչուհին մահացել էր օրեր առաջ։ Նա ընդամենը 56 տարեկան էր։ Իր կյանքի ընթացքում երգչուհին թողարկել է բազում հիթեր:

2017 թվականին երգչուհին հայտարարել էր, թե իր նոր անունը Մագդա Դավիթ է։ Արդեն մեկ տարի անց՝ 2018-ին հայտարարեց, որ իսլամ է ընդունել և հետայսու իր անունն Շուհադա Սադաքաթի է:

Ռոք աստղը տառապել է տարատեսակ հոգեկան խանգարումներով։ Մի քանի անգամ ինքնասպանության փորձեր է կատարել: Նա ամուսնացել էր 4 անգամ, ամեն ամուսնուց մեկական երեխա ուներ։ 

2022 թվականի հունվարի 5-ին անհետ կորում է երգչուհու 17-ամյա որդին՝ Շեյնը: Երկու օր անց ոստիկանները հայտնաբերում են տղայի դին: Հետագայում իրավապահները հայտնել են, որ Շեյնն ինքնասպան է եղել։ Տարատեսակ աղբյուրներում նշվում է, թե Օ'Քոնորիի տղան նույնպես հոգեկան խնդիրներ է ունեցել:

Այդ ողբերգությունից հետո Շինեյդ Օ'Քոնորի հոգեկան վիճակն էլ ավելի է վատթարացել: Նա սոցիալական ցանցերում գրել է, որ ցանկանում է հեռանալ կյանքից:

Իր վերջին թվիթերյան գրառման մեջ էլ նա հրապարակել էր ինքնասպան եղած որդու լուսանկարը և գրել. 

«Նա իմ կյանքի սերն էր, իմ հոգու ճրագը»։