Վլադիմիր Զելենսկին նեղացել է Արևմտյան դաշնակիցներից, քանի որ նրանք օգնության են հասել ոչ թե Ուկրաինային, այլ Իսրայելին՝ չնայած համաձայնագրերի կամ ՆԱՏՕ-ին անդամակցության բացակայությանը։ Փոխանցում է ՌԻԱ Նովոստին։

«Անկեղծ ասած, մեր մեջ ասած, ես ցնցված էի այն բանից, թե ինչ տեղի ունեցավ այն բանից հետո, երբ Իրանը հարձակվեց Իսրայելի վրա։ Ես ցնցված եմ այն բանից, թե ինչպես են դաշնակիցները միասին աշխատել։ .. Դաշնակիցներն օգնեցին, չնայած այն հանգամանքին, որ Իսրայելը ՆԱՏՕ-ի անդամ չէ, չնայած այն հանգամանքին, որ Ֆրանսիայի և Իսրայելի միջև պաշտոնական համաձայնագրեր չկան», - ասել է Զելենսկին ֆրանսիացի բլոգեր Ուգո Թրավերին տված հարցազրույցում։

Նա հայտարարել է, որ իրավիճակից ելնելով՝ իր մոտ հարց է առաջացել։

Զելենսկին նաև նշել է, որ ԱՄՆ Կոնգրեսի և ամերիկյան լրատվամիջոցների ուշադրությունը Ուկրաինայից տեղափոխվել է Մերձավոր Արևելքում տիրող իրավիճակի վրա:

«Մենք հասկանում ենք, որ ԱՄՆ Կոնգրեսը Մերձավոր Արեւելքում ճգնաժամի սկսվելուց հետո սկսել է իր ուշադրությունը կենտրոնացնել այդ իրավիճակի վրա։ Եվ ամերիկյան բոլոր ԶԼՄ-ները, եկեք անկեղծ լինենք, իրենց ուշադրությունը կենտրոնացնում են Իսրայելի, Գազայի, ամբողջ Մերձավոր Արևելքի իրավիճակի վրա, հիմա դա նաև Իսրայելն ու Իրանն են, ինչը հանգեցնում է Ուկրաինայի նկատմամբ ավելի քիչ ուշադրության», - ասել է Զելենսկին։

Նա նշել է, որ որքան քիչ ուշադրություն են դարձնում ԶԼՄ-ները Ուկրաինային, այնքան քիչ ուշադրություն են դարձնում դրան այլ երկրների բնակիչները, իսկ դա հանգեցնում է «քաղաքական առաջնորդների կողմից ավելի քիչ պատասխանատվության» եւ, որպես հետեւանք, օգնության նվազման: