ՌԴ նախագահ Վլադիմիր Պուտինը հայտարարել է, որ Ռուսաստանը չի հրաժարվել Ուկրաինայի հետ բանակցություններից։ Այս մասին գրում է Kp.ru-ն:

Ըստ պետության ղեկավարի` բանակցային գործընթացի վերսկսումը կախված է Կիևից:

«Բոլոր հակամարտությունները, բոլոր զինված հակամարտությունները ավարտվում են դիվանագիտական ​​ուղու վրա: Մենք չհրաժարվեցինք, Ուկրաինայի այս ղեկավարությունն ինքն իրեն արգելեց: Տարօրինակ է թվում: Բայց, ուշ թե շուտ, ցանկացած կողմ նստում և պայմանավորվում է: Որքան շուտ այդ գիտակցությունը հասնի նրանց, ովքեր դեմ են մեզ, այնքան լավ: Մենք դրանից չհրաժարվեցինք»,- ասել է Պուտինը մամուլի ասուլիսի ժամանակ։