Երևանից ճամփորդելիս եվրոպական ևս 4 քաղաքներ հնարավոր կլինի ուղիղ չվերթով հասնել։ Տեղեկությունը հայտնում է «Արմենիա» միջազգային օդանավակայանների մամուլի ծառայությունը։

Wizz Air ավիաընկերությունն ապրիլի 29-ից ուղիղ չվերթեր է սկսում Դորտմունդ - Երևան- Դորտմունդ (Գերմանիա), Սոֆիա-Երևան-Սոֆիա (Բուլղարիա) և Կատովիցե-Երևան-Կատովիցե (Լեհաստան) ուղղություններով։

Իսկ հունիսի 12-ից կմեկնարկեն ավիաընկերության ուղիղ թռիչքները Պրահա-Երևան-Պրահա (Չեխիա) ուղղությամբ։

Ավիատոմսերի վերաբերյալ տեղեկություններ ստանալու համար կարելի է այցելել wizzair.com կայք կամ կապ հաստատել տեղական տուրիստական գործակալությունների հետ:

Հիշեցնենք, որ հունգարական բյուջետային «Wizz Air» ավիաընկերությունը հայկական շուկա է մտել 2019 թվականին։ Առաջին չվերթերն իրականացվել են դեպի Վիեննա և Վիլնյուս։ Ներկայում ավիաընկերությունն ուղիղ չվերթեր է իրականացնում 7 ուղղություններով, ներառյալ` Լառնակա, Միլան, Հռոմ, Վենետիկ, Աբու Դաբի։