Վրաստանում բողոքի ակցիայի մասնակիցները հայտարարել են ցույցերի դադարեցման նոր պայմանների մասին. ցուցարարները պահանջում են իշխանությունների հրաժարականը։ Այս մասին հայտնել է «Известия»-ի թղթակից Ալեքսանդր Սաֆիուլինը։

Բողոքի ցույցերը Թբիլիսիում շարունակում են թափ հավաքել. ցուցարարներին չհանգստացրեց ո՛չ կառավարության մերժումը օտարերկրյա գործակալների մասին օրենք ընդունելուց, ո՛չ էլ նախորդ օրերին ձերբակալված անձանց ազատ արձակումը: 

Ռուսթավելի պողոտայում հավաքված ցուցարարները պահանջում են երկրի գործող իշխանությունների անհապաղ հրաժարականը։