Արցախի պետնախարարը հանդիպել է ԼՂՀ Ռուսական համայնքի խորհրդի անդամների հետ
Արցախի Հանրապետության պետական նախարար Գուրգեն Ներսիսյանը Ստեփանակերտում հանդիպել է ԼՂՀ Ռուսական համայնքի խորհրդի անդամների հետ։
Հանդիպման ընթացքում քննարկվել են սոցիալական, կրթական, մշակութային և հոգևոր ոլորտներին վերաբերող հարցեր։
Պետական նախարարը վստահեցրել է համայնքի անդամներին, որ կնպաստի ԼՂՀ-ում բնակվող սլավոնների և ուղղափառների ինքնության պահպանմանը, ինչպես նաև ռուս-հայկական հարաբերությունների համակողմանի զարգացմանն ուղղված ծրագրերի իրականացմանը։
Համայնքի համար առաջնահերթ նախագիծը Ռուսական մշակույթի տունն է, որտեղ բացի Ստեփանակերտի ռուսական դրամատիկական թատրոնից կտեղակայվեն կրթական կենտրոն, թանգարան, մանկական սենյակ և մատուռ:
Քննարկվել են հրատապ հարցեր, որոնք պահանջում են ԼՂՀ ղեկավարության առավելագույն ուշադրությունը։
Միջոցառմանը ներկա էր ԼՂՀ նախագահի խորհրդական, ԼՂՀ-ի և Ռուսաստանի Դաշնության միջև սոցիալական, կրթական, մշակութային և հոգևոր կապերի զարգացման համակարգող Վլադիմիր Գրիգորյանը։