Լիբիական Դեռնա քաղաքում ջրհեղեղների զոհերի թիվը գերազանցել է 5,3 հազարը։ Այդ մասին տեղեկացնում է  «ՌԻԱ Նովոստի»-ն։ 

Դեռնեի քաղաքային խորհրդի անդամ Ահմեդ Էմդուրը ֆեյսբուքյան իր էջում հայտնել է, որ քաղաքի բազմաթիվ շենքեր և բնակավայրեր ամբողջությամբ ջրի տակ են, ենթակառուցվածքները քայքայվել են ջրհեղեղից, ավերվել են հիմնական ճանապարհները, զգալի կորուստներ են եղել պետական ​​և մասնավոր ոլորտներում: 

Ազգային միասնության կառավարության վարչապետ Աբդուլհամիդ Դիբեյբեն 3-օրյա սուգ է հայտարարել աղետի պատճառով։ Ամբողջ երկրի տարածքում դրոշները կիջեցվեն։ Վարչապետը կոչ է արել միջազգային օգնություն ցուցաբերել ջրհեղեղից տուժած շրջաններին։ 

Եղանակային անբարենպաստ պայմաններն ազդել են նաև Լիբիայի Բենգազի, Բեյդա, Մերկ և Սուս քաղաքների վրա: