Բաղրամյան մետրոյի գետնանցումի աստիճանների վրա այսօր՝ հուլիսի 5–ին, հանկարծամահ է եղել 80–ամյա մի տղամարդ։ Տեղեկությունը  NEWS.am-ի հետ զրույցում հաստատեցին Ոստիկանության հասարակայնության հետ կապի եւ լրատվության վարչությունից։

Ինչպես հայտնեցին ոստիկանությունից, տղամարդը հարակից շենքի բնակիչ է եղել։ Փաստի առթիվ զբաղվում է Քննչական կոմիտեն։

Երեւանի մետրոպոլիտենի մամուլի խոսնակ Տաթեւ Խաչատրյանն էլ հավելեց, որ դեպքը տեղի է ունեցել 9։30–ի սահմանում։ Տղամարդու ինքնազգացողությունը վատանալուց հետո, մետրոպոլիտենի դիսպետչերը զանգահարել է Շտապ օգնություն։