Իրանում շենքի փլուզման հետևանքով չորս մարդ է զոհվել, տասնյակ մարդիկ անհետ կորել են. Al Hadath
Իրանում շենքի փլուզման հետևանքով չորս մարդ է զոհվել, տասնյակ մարդիկ անհետ կորել են: Այս մասին գրում է Al Hadath-ը:
Նշվում է, որ դեպքը տեղի է ունեցել երկուշաբթի օրը հարավ-արևմտյան Աբադան քաղաքում: Նոր կառուցվող առևտրային շենքի փլուզման հետևանքով զոհվել է առնվազն հինգ մարդ, հաղորդում է պետական հեռուստատեսությունը:
Աճել է մտավախությունը, որ զոհերի թիվը շատ ավելի մեծ կլինի, քանի որ ենթադրվում է, որ ավելի քան 80 մարդ դեռ մնում է փլատակներում: Շենքը, որը գտնվում է «քաղաքի ամենաբանուկ կենտրոնական փողոցում», հարում է կոմերցիոն, բժշկական և վարչական շենքերին։
Օգնության ազգային մարմնի ներկայացուցիչ Մոջթաբա Խալիդին հայտնել է, որ փլուզման հետևանքով «5 մարդ մահացել է, 27-ը վիրավորվել»։
