Կասկած կա, որ տղաները մինչև հրդեհը մահացած կամ անգիտակից են եղել. Նորայր Նորիկյան․ «Իրավունք»
«Իրավունք» թերթը գրում է.
«Փաստաբան Նորայր Նորիկյանը շարունակում է կասկածի տակ դնել Գեղարքունիքի Ազատ գյուղում զինվորական կացարանում բռնկված հրդեհի հետեւանքով մահացած զինծառայողների դեպքի քննության պաշտոնական վարկածը: Փաստաբանի խոսքով.
— Հիմնավոր կասկած կա, որ տղաները մինչեւ հրդեհը մահացած կամ անգիտակից են եղել:
Շատ կարեւոր փորձաքննության պատասխանի ենք սպասում, այս պահին չկան հուզող մի շարք հարցերի պատասխանները, բայց կան անխոցելի ապացույցներ: Մի բան միայն կարող եմ ասել այս պահին. ով ուզում է լինի, ինչ ուզում է կրի, գլխով պատասխան է տալու 15 տղաների մահվան համար: Այլ տարբերակ չի կարող լինել, գնալու ենք մինչեւ վերջ»:
Մանրամասները՝ թերթի այսօրվա համարում։
Հիշեցնենք` հունվարի 19-ին՝ ժամը 01:30-ի սահմաններում, հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Հրդեհի հետևանքով զոհվել է 15, վնասվածքներ ստացել` 7 զինծառայող։