Սերբ թենիսիստ Նովակ Ջոկովիչը հաղթել է US Open-ում։ Եզրափակչում Ջոկովիչը հաղթեց ռուս Դանիիլ Մեդվեդևին։ Այս մասին հայտնում է Armsport-ը: 

Հանդիպումը տևել է 3 ժամ 16 րոպե և ավարտվեց 6:3, 7:6 (7:5), 6:3 հաշվով։

Ջոկովիչի համար Մեծ սաղավարտի այս տիտղոսը դարձավ 24-րդը իր կարիերայում: Այսպիսով, նա դուրս եկավ Մեծ սաղավարտը հաղթած մրցաշարերի քանակով առաջին հորիզոնական՝ հավասարվելով Մարգարեթ Կորտին։

Նախկինում Ջոկովիչը երկրորդ տեղը կիսում էր Սերենա Ուիլյամսի (23) հետ։ Այս ցուցանիշով հաջորդը Ռաֆայել Նադալն ու Շտեֆի Գրաֆն են (22-ական), ինչպես նաև Ռոջեր Ֆեդերերը (20):

Իսկ ԱՄՆ բաց առաջնությունում Ջոկովիչի համար սա 4-րդ հաղթանակն է։ Ավելի շատ այս մրցաշարում հաղթել են միայն Ռոջեր Ֆեդերերը, Ջիմի Քոնորսը և Փիթ Սամպրասը` 5-ական, 4-ական հաղթանակ ունեն նաև Ռաֆայել Նադալը և Ջոն ՄակԷնրոն:

36-ամյա Նովակը դարձավ նաև US Open-ի ամենատարեց չեմպիոնը՝ գերազանցելով Քեն Ռոզուոլի ռեկորդը (35 տարեկան)։

US Open-ում հաղթելու համար Ջոկովիչը կստանա 3 մլն դոլար, Մեդվեդևը՝ 1,5 մլն դոլար։