Միացյալ Նահանգները Չինաստանին պատասխանատու կհամարի Ուկրաինայում Ռուսաստանի հաջողությունների համար։ Այս մասին գրում է Deutsche Welle-ն։

ԱՄՆ պետքարտուղարի տեղակալ Քուրթ Քեմփբելը հայտարարել է, որ Ռուսաստանի տարածքային զավթումները կարող են փոխել ուժերի հավասարակշռությունը Եվրոպայում։

«Մենք ուղղակիորեն ասել ենք Չինաստանին, որ եթե դա շարունակվի, դա կազդի ԱՄՆ-ի և Չինաստանի հարաբերությունների վրա: Մենք կողքի չենք կանգնի և ասենք, որ ամեն ինչ լավ է»,- ընդգծել է բարձրաստիճան պաշտոնյան։

«Մենք դա կդիտարկենք ոչ միայն որպես ռուսական եզակի գործողություններ, այլ որպես գործողությունների համակցված մի շարք, որոնց աջակցում են Չինաստանը, ինչպես նաև Հյուսիսային Կորեան։ Դա հակասում է մեր շահերին»,- ընդգծել է Քեմփբելը։ Նրա խոսքով՝ ԱՄՆ-ի համար Եվրոպայում խաղաղության ու կայունության պահպանումը պատմականորեն ամենակարեւոր առաքելությունն է։

Քեմփբելն ասել է, որ նախագահ Ջո Բայդենի վարչակազմը նախապես զգուշացրել է չինացի պաշտոնյաներին, որ հետախուզությունը ցույց է տվել, որ Ռուսաստանի նախագահ Վլադիմիր Պուտինը 2022 թվականի փետրվարին հրամայել է հակամարտություն սկսել Ուկրաինայում: Նրա խոսքով՝ Պեկինը անհանգստացած էր Ռուսաստանի ռազմական անհաջողություններից և աշխատում էր Մոսկվային «կարողությունների մի ամբողջ շարք» վերականգնելու ուղղությամբ։ «Նրանք չէին ցանկանում ռեժիմի փոփոխություն»,- ասել է Քեմփբելը։

Սակայն ավելի քան երկու տարի անց «Ռուսաստանը գրեթե ամբողջությամբ վերազինվել է և այժմ զգալի վտանգ է ներկայացնում Ուկրաինայի և հարակից տարածաշրջանի համար», - նշել է պաշտոնյան՝ հիշեցնելով, որ Միացյալ Նահանգները բազմիցս սպառնացել է Պեկինին պատժամիջոցներով, եթե Չինաստանն ավելի էական գործողություններ ձեռնարկի աջակցելու համար։