Բավ է պատերազմը, բավ են հարձակումները․ այո երկխոսությանը, այո խաղաղությանը․ Հռոմի Պապ
Հռոմի Ֆրանցիսկոս պապը Իրանին և Իսրայելին խաղաղության և բռնի առճակատումից խուսափելու կոչ է արել:
Ինչպես գրում է Sky News-ը, Վատիկանի Սուրբ Պետրոսի հրապարակում ելույթի ժամանակ Ֆրանցիսկոսը կոչ է արել Իրանին եւ Իսրայելին խուսափել ցանկացած գործողությունից, որը կարող է սնել «բռնության պարույրը», որը կարող է Մերձավոր Արեւելքը ներքաշել հակամարտության մեջ:
«Բավ է պատերազմը, բավ են հարձակումները, բավ է բռնությունը: Այո երկխոսությանը, այո խաղաղությանը», - ասել է նա ուխտավորներին։
