Թրամփը Բայդենին մեղադրել է քաղաքական հետապնդումների մեջ
ԱՄՆ նախկին նախագահ Դոնալդ Թրամփը մեղադրել է ԱՄՆ ներկայիս նախագահ Ջո Բայդենին դատարանների միջոցով քաղաքական հետապնդումների մեջ։ Նիստի ժամանակ դատարանի շենքում ասված նրա խոսքերը մեջբերում է «ՌԻԱ Նովոստի»-ն։
«Սա հարձակում է քաղաքական հակառակորդի վրա։ Ահա, թե ինչ է դա։ Այնպես որ, ինձ համար մեծ պատիվ է լինել այստեղ»,- ասել է Թրամփը։
Ներկայումս դատարանը բիզնես գրառումների կեղծմանը վերաբերող գործեր է քննում։
ԱՄՆ նախագահական ընտրությունները տեղի կունենան 2024 թվականի նոյեմբերին։ ԱՄՆ նախկին նախագահ Դոնալդ Թրամփը առաջադրվելու է «Հանրապետական» կուսակցությունից, իսկ ներկայիս նախագահ Ջո Բայդենը՝ «Դեմոկրատական» կուսակցությունից։ Երկու թեկնածուներն էլ առանձնանում են իրենց մեծ տարիքով՝ Դոնալդ Թրամփը 77 տարեկան է, իսկ Բայդենը՝ 81։
