Արթուր Ղազինյանն 8-րդ անգամ է առաջադրվել ԱԺ Պաշտպանության հանձնաժողովի փոխնախագահի պաշտոնում
Մեկնարկել է ԱԺ պաշտպանության և անվտանգության հարցերի մշտական հանձնաժողովի նիստը։ Ընդդիմությունն 8-րդ անգամ այդ պաշտոնում առաջադրել է ԱԺ «Հայաստան» խմբակցության պատգամավոր Արթուր Ղազինյանի թեկնածությունը։
Գեղամ Մանուկյանը հիշեցրեց, որ մեկ ամսից ավելի է, ինչ իշխանությունը ձգձգում է հանձնաժողովի փոխնախագահի ընտրության հարցը, իսկ օրակարգային և այժմեական ամենակարևոր հարցերը մնում են օրակարգից դուրս։ Միևնույն ժամանակ, Մանուկյանը նշեց, որ իրենք շարունակելու են առաջադրել Ղազինյանի թեկնածությունը:
