Ինչպես արդեն հայտնել էինք դեկտեմբերի 12-ին ժամը 10։30-ի սահմաններում, ադրբեջանական կողմը խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախը Հայաստանին կապող միակ ճանապարհը, ոտնահարելով քաղաքացիական բնակչության կենսական շահերն ու իրավունքները:

Այսօր Երևանում ընթանում են բողոքի ակցիաներ, որոնց մասնակիցները մտադիր են լինել ՀՀ-ում ՄԱԿ-ի գրասենյակի, դեսպանատների մոտ՝ պահանջելով Ադրբեջանին ստիպել դադարեցնել Արցախի շրջափակումը։