Երևանի կենդանաբանական այգու վագրերի ընտանիքում համալրում է եղել: Տեղեկությունը հայտնում է Երևանի քաղաքապետարանի մամուլի ծառայությունը։

«Բարերարներ, հայր և որդիներ Առաքելյանները այգուն նվիրաբերել են ամուրյան վագրի առանձնյակ: Կենդանին 7 տարեկան է: Այգում անցնելու է կարանտինային շրջան և ազատավանդակի վերակառուցումից հետո միանալու է վագրերի ընտանիքին»,– նշված է հաղորդագրությունում։

Կենդանաբանական այգու տնօրինությունը վստահեցրել է, որ այգին կանի առավելագույնը՝ նաև նոր կենդանիների համար պատշաճ պայմաններ ապահովելու նպատակով։