Թուրքիայում Հաթայ նահանգի բնակելի համալիրի գլխավոր ճարտարապետին ձերբակալել են օդանավակայանում: Բնակելի շենքը բառացիորեն փլուզվել է երկրաշարժի ժամանակ, գրում է ՌԻԱ Նովոստին։

«Բնակելի համալիրի 250 բնակարանի վաճառքի համար միլիոնավոր լիրա ստացած գլխավոր ճարտարապետը` Մեհմեդ Յաշար Չոսքունը, ձերբակալվել է Ստամբուլի օդանավակայանում՝ Չեռնոգորիա թռչելու փորձի ժամանակ։ Հեռանալու արգելքը պարտադրվել է Ստամբուլի գլխավոր դատախազության կողմից»,- նշվում է հաղորդագրության մեջ:

Թուրքիայի արդարադատության նախարար Բեքիր Բոզդաղն ավելի վաղ հայտարարել էր, որ ոչ ոք չի խուսափելու պատժից այն անփութության համար, որը հանգեցրել է շենքերի փլուզմանը երկրի հարավ-արևելքում ավերիչ երկրաշարժի ժամանակ։

Համալիրը կառուցվել է 2012թ.: Դրանում բնակարաններն արժեն 1,5 միլիոնից մինչև 3 միլիոն լիրա (2012 թվականի փոխարժեքով 800 հազարից մինչև 1,6 միլիոն դոլար)։ Բոլոր 12 հարկերը մի ակնթարթում փլուզվել են՝ չդիմանալով տարերքի ազդեցությանը։ Շինարարական ընկերության համասեփականատեր, ինժեներ Չոքսունի եղբոր գտնվելու վայրը դեռ հայտնի չէ։