Այն ինչ արգելված չէ օրենքով, կարծեմ թույլատրված է. Ավանեսյան
1993 թվականից ընկերությունը գործում է Հայաստանում, այդ ժամանակվանից մասնակցում է պետական մրցույթներին: Այս մասին ճեպազրույցի ժամանակ ասել է Առողջապահության նախարար Անահիտ Ավանեսյանը՝ պատասխանելով այն հարցին, թե արդյոք նորմալ է, որ իր գերատեսչությունը պարբերաբար գնումներ է իրականացնում իր ընտանիքին պատկանող բիզնեսից:
Նա հորդորեց հարցերի դեպքում գրավոր դիմել և իրենք բոլոր տեղեկատվությունը կտրամադրեն, թե ինչ մրցույթների է մասնակցել և ինչ արդյունք գրանցել:
Նա նաև նշեց, որ ժողովրդավարականից բացի, մենք նաև իրավական պետությունում ենք ապրում և այն ինչ արգելված չէ օրենքով կարծեմ, թույլատրված է:
Նշենք, որ, ըստ մամուլի, «Ուիգմոր» կլինիկը առողջապահության նախարար Անահիտ Ավանեսյանի ընտանիքի հետ կապ ունի։
