ՏԵՍԱՆՅՈՒԹ․ Հզոր պայթյուն՝ Հնդկաստանում․ կան զոհեր և տասնյակ վիրավորներ
Առնվազն 11 մարդ Է զոհվել, տասնյակ մարդիկ վիրավորվել են Հնդկաստանի Մադհյա Պրադեշ նահանգում պիրոտեխնիկական արտադրատեսակների արտադրության գործարանում տեղի ունեցած հզոր պայթյունի հետևանքով: Այս մասին հայտնում է Times of India-ն:
Ինչպես նշում է պարբերականը՝ պայթյունն այնքան ուժեղ է եղել, որ դրա հետևանքները զգացվել են 15 կմ շառավղով:
Զոհերի մասին տվյալները նախնական են, զոհերի թիվը կարող է զգալիորեն աճել։ Տեղական իշխանությունների տվյալներով՝ փրկարարներին դեռ չի հաջողվել հասնել պայթյունի վայր, քանի որ հրդեհը շարունակվում է:
Մահացածների թվում եղել են նաև հրմշտոցի զոհեր, որն առաջացել է պայթյունից հետո խուճապի պատճառով:
Փրկարարական գործողությունը շարունակվում է:
