Պերմի երկրամասում առևտրային սրահներով շինություն է բռնկվել։ Հրդեհի մակերեսը կազմում է 800 քմ։

Ալեքսանդրովկայի խանութի երկրորդ հարկն ու տանիքն այսօր առավոտյան ուժեղ կրակի մեջ են հայտնվել։ Թե ինչ պատճառով է տեղի ունեցել հրդեհը, հայտնի չէ։ Հաշված րոպեների ընթացքում այնտեղ փլուզվել է տանիքը, իսկ հրդեհն արդեն տարածվել է 800 քմ մակերեսով։

Ինչպես հայտնել են ՌԴ ԱԻՆ-ից՝ ինը մարդ, որոնք գտնվել են ներսում, կարողացել են ինքնուրույն տարհանվել: Մասամբ փլուզվել է ձեղնահարկի և երկրորդ հարկի միջև ընկած հատվածը։ Այժմ դեպքի վայրում աշխատում են հրշեջ ծառայությունները։