Մեքսիկայի Սոնորա նահանգում տեղի ունեցած երկու հրաձգությունների հետևանքով առնվազն 9 մարդ է մահացել:Այս մասին հայտնում է РИА Новости-ն:

Նախնական տեղեկություններով՝ 5 մարդ սպանվել է Ագու-Պրիետա քաղաքում տեղի ունեցած միջադեպի ժամանակ, ևս 4-ը զոհվել են Նակո քաղաքում տեղի ունեցած հրաձգության հետևանքով: Դատախազությունը հետաքննություն է սկսել կատարվածի հանգամանքները պարզելու համար:

Բախումների վայրում ոստիկանությունը հայտնաբերել է սպանվածների մարմինները և լքված ավտոմեքենաները: Հայտնաբերվել է նաև զենք և զրահաբաճկոններ: