«Ամեն ինչ տեղի է ունեցել վերջին օրը։ Հենց «Տոտենհեմի» խաղից հետո զանգ ստացա գործակալիցս և տեղեկացա, որ մյուս օրը պետք է մեկնեմ Հռոմ և բուժզննում անցնեմ ակումբի համար և արդեն պայմանագիր ստորագրեմ»։

Իտալական «Ռոմա» ակումբ տեղափոխման մասին հարցին այսօր այսպես է պատասխանել Հայաստանի ֆուտբոլի հավաքականի ավագ, «Արսենալի» արդեն նախկին կիսապաշտպան Հենրիխ Մխիթարյանը։ Նա նշել է, որ սա շատ լավ հնարավորություն է իր համար, քանի որ «Արսենալում» շատ չէր խաղում, իսկ նոր ակումբում մարզիչն ավելի շատ կօգտագործի իր որակները։