Իշխանությունը չկարողացավ ապացուցել իմ մեղավորությունը. Արսեն Բաբայան
ՀՀ ԱԺ աշխատակազմի ղեկավարի նախկին տեղակալ Արսեն Բաբայանը կալանքից ազատվելուց հետո այսօր ասուլիս է տվել` նշելով, որ 22 օր մնալով կալանքի տակ, ինքը զրկված է եղել բոլոր ազգականների ու ծանոթների հետ շփումներից ու տեսակցություններից:
Բաբայանն ասել է, որ իշխանությունը չկարողացավ ապացուցել իր մեղավորությունը, ինչի պատճառով ստիպված եղավ բաց թողնել իրեն:
«Իշխանությունը դեմքը փրկելու խնդիր ուներ»,- ասել է Արսեն Բաբայանը` նշելով, որ իրեն ապօրինի զրկելով հարազատների հետ տեսակցելու իրավունքից` ՀՔԾ պետը հետո հայտարարեց, թե թյուրիմացություն է եղել, սակայն նման թյուրիմացություններ չեն լինում առանց հատուկ հանձնարարությունների, հետևաբար, պետք է պատժվեն մեղավորները:
