Ուզբեկստանում սպանվել է հայ դիզայներ Նարիման Գրիգորյանը
Հայկական ծագում ունեցող դիզայներ և խորեոգրաֆ Նարիման Գրիգորյանին սպանել են Տաշքենդում։ Այս մասին հայտնում է Sputnik Ուզբեկստանը` հղում անելով սեփական աղբյուրներին։
Աղբյուրի համաձայն` ողբերգությունը տեղի է ունեցել անցած գիշեր Ուզբեկստանի մայրաքաղաքի Յաշնաբադի շրջանում։ Միջադեպի այլ մանրամասներ հայտնի չեն։
Նարիման Գրիգորյանը խորեոգրաֆ էր, դիզայներ և մոդելավորող։ Նա արժանացել է «Տարվա առաջխաղացում» (2015) և «Երեկոյան զգեստների լավագույն դիզայներ» (2017) կոչումներին։
Նա նաև Nariman Grigoryan ապրանքանիշի հիմնադիրն էր և միջազգային մրցույթներում Ուզբեկստանից ժյուրիի միակ անդամը։
