Լիտվայի նախագահը կասկածի տակ է դրել Բելառուսի առաջնորդ Լուկաշենկոյի լեգիտիմությունը

Բելառուսի նախագահ Ալեքսանդր Լուկաշենկոյին չի կարելի պետության լեգիտիմ առաջնորդ համարել: Այս մասին РИА Новости-ի փոխանցմամբ՝ հայտնել է Լիտվայի նախագագ Գիտանաս Նաուսեդան:

Ավելի վաղ Նաուսեդան Բելառուսին առաջարկել էր ստեղծել ազգային խորհուրդ հասարակության և իշխանությունների երկխոսության համար, ինչպես նաև հրաժարվել ժողովրդի դեմ ուժ կիրառելուց, ազատ արձակել ձերբակալվածներին:

Նաուսեդան նաև հայտնել է, որ Բելառուսի նկատմամբ պատժամիջոցների սահմանումը «հնարավոր է», սակայն նա ընդգծել է, որ նման որոշումը կարող է «բացասաբար ազդել բելառուս ժողովրդի վրա»:


 

Քաղաքականություն