Հրդեհ՝ Իսրայելի նավթավերամշակման գործարանում
Իսրայելի հյուսիսում՝ Հայֆա քաղաքում գտնվող Բազան նավթավերամշակման գործարանում, հրդեհ է բռնկվել: Այս մասին հայտնում է ТАСС-ը՝ հղում տալով The Jerusalem Post-ին:
Իսրայելական պարբերականը, մեջբերելով երկրի շրջակա միջավայրի պահպանության նախարարության հաղորդագրությունը, հայտնում է, որ հրդեհը բռնկվել է ուրբաթ երեկոյան:
Տեղեկատվության համաձայն՝ գործարանում հրդեհը բռնկվել է խողովակի վնասման հետևանքով: Հրշեջ-փրկարարական ջոկատներին հաջողվել է տեղայնացնել կրակը:
Հաղորդվում է, որ գործարանը դադարեցրել է աշխատանքը: Տուժածների վերաբերյալ տվյալներ չեն ներկայացվում: