Տաթև-Աղվանի ճանապարհը նոյեմբերին պատրաստ կլինի, բայց որոշ հատվածներում ասֆալտը երկշերտ կլինի․ Սանոսյան
ՏԿԵ նախարար Գնել Սանոսյանն այսօր լրագրողների հետ զրույցում պատասխանեց հարցին, թե նոյեմբերին, իշխանության խոստմանը համաձայն, կավարտվի՞ արդյոք Տաթև-Աղվանի ճանապարհի շինարարությունը։
«Շինարարությունն ընթացքի մեջ է, գրեթե 24-ժամյա ռեժիմով են աշխատում։ Այո, կավարտենք այդ ժամանակահատվածում»,- ասաց Սանոսյանը։
Նա նշեց սակայն, որ եռաշերտ ասֆալտի փոխարեն, ճանապարհը որոշ հատվածներում երկշերտ ասֆալտով կպատվի։
«Եթե նույնիսկ հետո թերություններ ի հայտ գան, մենք երրորդ շերտը դնելուց առաջ այդ թերությունները կշտկենք, նոր երրորդ՝ վերջնական շերտը կտեղադրենք, բայց երկու շերտը ամբողջովին բավարար է, որպեսզի ճանապարհը նորմալ անցանելի լինի», - ասաց նա։
