Ադրբեջանցի զինծառայողը գնդակահարել է ծառայակիցներին
Ադրբեջանի Պետական սահմանային ծառայության (ՊՍԾ) զինծառայողը ծառայողական զենքից գնդակահարել է երեք ծառայակցի, հայտնում է «Իներֆաքս-Ադրբեջան»-ը՝ վկայակոչելով Պետական սահմանային ծառայության հաղորդագրությունը։
«2022 թվականի հունվարի 2-ին՝ ժամը 18:00-ի սահմաններում, «Պետական սահմանապահ ծառայության սահմանապահ զորքերի «Գուբադլի» հատուկ սահմանային ստորաբաժանման ծառայության տարածքում կրտսեր սերժանտ-արտաժամկետային Ավազլի Էլխան Մուհամեդ օղլուն անհայտ պատճառներով ծառայողական զենքից կրակ է բացել իր ծառայակիցների ուղղությամբ»։ Արդյունքում երեք զինծառայող զոհվել է՝ ավագ լեյտենանտ Իսմայիլով Յուսիֆ Իսմայիլ օղլուն եւ կրտսեր սերժանտներ Ջալիլզադե Ամիլ Ֆուար օղլուն եւ Իբրահիմով Ռաֆաիլ Նաթիգ օղլուն։ Ինքը՝ Ավազլին, գցել է զենքը եւ փախուստի դիմել դեպքի վայրից։ Այժմ միջոցառումներ են ձեռնարկվում նրան հայտնաբերելու ուղղությամբ»,- նշվում է հաղորդագրության մեջ:
Միջադեպի կապակցությամբ Պետական սահմանային ծառայության եւ Գլխավոր դատախազության աշխատակիցները համապատասխան միջոցներ են ձեռնարկում: