Միջազգային հանրությունն ասում է՝ իջեցրեք Արցախի կարգավիճակի համար սահմանած նշաձողը, հակառակ դեպքում մեզ վրա հույս չդնեք. Փաշինյան
Միջազգային հանրությունն այսօր Հայաստանին հստակ ասում է՝ լինել աշխարհի միակ երկիրը, որը երկկողմ մակարդակով չի ճանաչում Թուրքիայի դաշնակից Ադրբեջանի տարածքային ամբողջականությունը, մեծ վտանգ է ոչ միայն Արցախի, այլև Հայաստանի համար: Ազգային ժողովում իր ելույթում հայտարարեց Նիկոլ Փաշինյանը:
Նրա խոսքով՝ այսօր միջազգային հանրությունը Հայաստանին ասում է՝ մի փոքր իջեցրեք Լեռնային Ղարաբաղի կարգավիճակի հարցում ձեր նշաձողը և միջազգային մեծ կոնսոլիդացիա կապահովեք Հայաստանի և Արցախի շուրջը.
«Հակառակ դեպքում, ասում է միջազգային հանրությունը, խնդրում ենք մեզ վրա հույս չդնել, ոչ թե այն պատճառով, որ մենք չենք ուզում ձեսզ օգնել, այլ այն պատճառով, որ մենք չենք կարող ձեզ օգնել»,-ասաց նա:
