Ռուս-ադրբեջանական հարաբերությունները նոր փուլ են մտել, Բաքուն գոհ է դրանց զարգացումից. Այդ մասին հինգշաբթի օրը հայտարարել է Ադրբեջանի նախագահ Իլհամ Ալիեւը ՌԴ ԱԳ նախարար Սերգեյ Լավրովի հետ հանդիպմանը, գրում է ТАСС-ը:

«Ցանկանում եմ գոհունակություն հայտնել քաղաքական հարաբերությունների զարգացման, ամենաբարձր մակարդակով մշտական ​​երկխոսության, առևտրատնտեսական կապերի զարգացման համար, որոնք նույնպես այս տարի լավ դինամիկա են ցույց տալիս, տրանսպորտի, էներգետիկայի, հումանիտար ոլորտներում զարգացումները։ Ավելի հեշտ է անվանել այն ոլորտները, որտեղ մենք սերտ համագործակցություն չունենք»,- ասել է Հանրապետության ղեկավարը։
 

Նրա խոսքով, փետրվարի 22-ին ամենաբարձր մակարդակով ստորագրված երկու երկրների միջև դաշնակցային համագործակցության մասին հռչակագիրը հիմնարար փաստաթուղթ է հարաբերությունների զարգացման համար և «երկար տարիների շատ արդյունավետ համագործակցության հիանալի արդյունք»։