ՏԵՍԱՆՅՈՒԹ․ Որտե՞ղ է Ջեքին. Բայդենը փորձել է գտնել օգոստոսին մահացած պաշտոնյային
ԱՄՆ նախագահ Ջո Բայդենը սովի թեմայով համաժողովի ժամանակ փորձել է գտնել Ինդիանա նահանգի կոնգրեսական Ջեքի Վալորսկուն, ով մահացել էր օգոստոսին ավտովթարից՝ կարծես մոռանալով, որ նա մահացել է, հայտնում է Reuters-ը։
Բայդենը շնորհակալություն է հայտնել համաժողովի մյուս կազմակերպիչներին, ապա հարցրել. «Ջեքի, դու այստե՞ղ ես: Որտե՞ղ է Ջեքին»:
Վալորսկին Կոնգրեսում համաժողովի ֆինանսավորման օրինագծի չորս հովանավորներից մեկն էր: Նա մահացել էր երկու աշխատակցի հետ օգոստոսի սկզբին:
Բայդենը շրջանցել է այս հարցը՝ առանց ուղղումների։
Վալորսկու մահից հետո Սպիտակ տունը հրապարակել էր Բայդենի հայտարարությունը, որում ասվում էր, որ նա եւ նրա կինը՝ Ջիլը, «ցնցված եւ վճտացած են» նրա հանկարծակի մահից։