ԼՈՒՍԱՆԿԱՐՆԵՐ․ Ադրբեջանը ոստիկանական ուժեր է տեղակայել Գորիս-Ստեփանակերտ ճանապարհին
Գորիս-Ստեփանակերտ ճանապարհին ադրբեջանցի էկոակտիվիստների բողոքի ակցիայի վայր են ժամանել ադրբեջանցի ոստիկաններ։ Ավելի վաղ այնտեղ էին եկել նաև Ադրբեջանի ՆԳՆ ներքին զորքերի զինծառայողները:
Ադրբեջանական լրատվամիջոցները հաղորդում են, որ այսպես կոչված «բնապահպան ցուցարարները» ծափահարություններով են դիմավորել իրավապահներին։
Ինչպես արդեն հայտնել էինք դեկտեմբերի 12-ին ժամը 10։30-ի սահմաններում, ադրբեջանական կողմը խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախը Հայաստանին կապող միակ ճանապարհը, ոտնահարելով քաղաքացիական բնակչության կենսական շահերն ու իրավունքները: