Ուկրաինայի նախագահի աշխատակազմի խորհրդական Ալեքսեյ Արեստովիչի հայտարարությունը սկանդալի պատճառ է դարձել: 

Դնեպրում բնակելի շենքի վրա ընկած հրթիռը խոցվել է Ուկրաինայի հակաօդային պաշտպանության կողմից, որից հետո արկն ընկել է բարձրահարկ շենքի մուտքի վրա և պայթել։ Այս մասին հայտարարել է Ուկրաինայի նախագահի աշխատակազմի խորհրդական Ալեքսեյ Արեստովիչը։ Նրա խոսքով, թիրախի խոցման լրացուցի չտարր է թունավոր նյութը, որով լիցքավորվում է X-22 հրթիռը: 

Հիշեցնենք, որ բնակելի շենքին հարվածից հետո հայտնի է առնվազն 64 վիրավորի և15 զոհի մասին, ևս 26 մարդ գտնվում է փլատակների տակ։ Դնեպրում եռօրյա սուգ է հայտարարվել։

Դնեպրի քաղաքապետ Բորիս Ֆիլատովը կոչ է արել Ուկրաինայի զինված ուժերին և հակահետախուզությանը արձագանքել Արեստովիչի խոսքերին, ինչպես նաև Ուկրաինայի նախագահի աշխատակազմի խորհրդականի հասցեին վիրավորական արտահայտություններ հնչեցրել, վերջինիս անվանելով բացբերան:

Բացի այդ, Արեստովիչի խոսքերը մեկնաբանել են Ուկրաինայի ռազմաօդային ուժերը։ Զինվորականները նշել են, որ իրենք չունեն այնպիսի միջոցներ, որոնք կարող են խոցել Դնեպրում գտնվող բազմահարկ շենքին հարված հասցրած հրթիռի տեսակը։