Ֆրանսիայի նախագահ Էմանուել Մակրոնը հայտարարել է, որ ԵՄ անդամ երկրների ղեկավարները Ուկրաինայի նախագահ Վլադիմիր Զելենսկու հետ զրույցում հաստատել են, որ իրենք կօգնեն երկրին հաղթել «Ռուսաստանի ագրեսիան»։  Այս մասին նա հայտարարել է Բրյուսելում ԵՄ խորհրդի նիստին հաջորդած մամուլի ասուլիսում, փոխանցում է РИА Новости-ն։

«Զելենսկիին տեսաձայնագրությամբ լսելուց հետո մենք վերահաստատեցինք մեր աջակցությունը` ռուսական ագրեսիան տապալելու համար», - ասել է Մակրոնը։

Ֆրանսիայի նախագահը հավելել է, որ Ուկրաինայի դաշնակիցները կշարունակեն օգնել նրան քաղաքական, տնտեսական, ռազմական և հումանիտար մակարդակներում՝ ըստ անհրաժեշտության։

Ավելի վաղ Ուկրաինայի նախագահ Վլադիմիր Զելենսկին իր տեսաուղերձում ասել էր, որ իր երկրի համար անհրաժեշտ որոշումների ընդունումը ձգձգվում է։  Մասնավորապես, նա հայտարարել է Ուկրաինային հեռահար հրթիռների և ժամանակակից արևմտյան ինքնաթիռների մատակարարման հետաձգման մասին, նախագահը նաև նշել է Ռուսաստանի դեմ նոր պատժամիջոցների հետաձգման և «խաղաղության բանաձեւի գագաթնաժողովի» կազմակերպման մասին։