Ֆրանսիայի մի քանի օդանավակայաններում թռիչքների 20%-ը կչեղարկվեն կենսաթոշակային բարեփոխումների դեմ ավիադիսպետչերների գործադուլի պատճառով։ Այս մասին ուրբաթ՝ մարտի 31-ին, հայտնել է AFP-ն։ 

Երկրի քաղաքացիական ավիացիայի գլխավոր վարչությունը ավիաընկերություններին խնդրել է չեղարկել ապրիլի 3-ին և 4-ին կայանալիք թռիչքները՝ բողոքի ակցիաների պատճառով։ Երկուշաբթի Մարսելի և Բորդոյի օդանավակայաններում թռիչքների չվացուցակում փոփոխություններ կլինեն, իսկ կիրակի օրը՝ Օռլիում օդային հաղորդակցությունը։ 

Կենսաթոշակային տարիքը բարձրացնելու մասին օրենքը մարտի 16-ին ընդունվել է խորհրդարանում առանց քվեարկության։ Արհմիությունների և ընդդիմադիր քաղաքական կուսակցությունների ներկայացուցիչները դատապարտել են կառավարության քայլը։ Հաջորդ օրը ընդդիմադիր LIOT խմբավորումն առաջ քաշեց կառավարությանն անվստահություն հայտնելու քվե։ Ֆրանսիայի տարբեր քաղաքներում զանգվածային բողոքի ցույցեր են տեղի ունեցել։ 

BFMTV հեռուստաալիքը հայտնել է, որ ցուցարարները դուրս են եկել փողոցներ Նանտ, Տյուլ, Ռենե և Փարիզ քաղաքներում, որտեղ բախվել են ոստիկանության հետ։ 

Ավելի վաղ՝ մարտի 21-ին, Ֆրանսիայում կենսաթոշակային բարեփոխումների դեմ բողոքի ակցիայի մասնակիցները արգելափակել էին երկաթուղիների և մայրուղիների երթևեկությունը։