Ռուսաստանի վերահսկողության տակ անցած Դոնեցկում գտնվող Սվերդլովսկի շրջանի թիվ 124 հատուկ դպրոցում ուսուցչի հովանավորությամբ բարձր դասարանի աշակերտները բռնաբարել են ցածր դասարանի աշակերտներին ` իրենց վատ պահվածքի համար։  Բռնությունը գործադրել են պարբերաբար: 

Տեղեկությունը հայտնի է դարձել այն բանից հետո, երբ 13-ամյա աշակերտը փախել է և ամեն ինչ պատմել մորը։ Տարածվող տեսանյութում տղան պատմում է, որ  76-ամյա ուսուցիչ Ալեքսանդր Կ.-ն խիստ պատիժ է սահմանել: Եվ հանցակից է ընտրել  ավագ դպրոցի երկու 15-ամյա աշակերտներին` Դանիլային և Անտոնին, որպեսզի նրանք «կրթելու» կամ ինչպես իրենք են անվանում «դաստիարակեն»:

Տուժածի  մայրն ասում է, որ վարչակազմը տեղյակ է, թե ինչ է կատարվում, բայց ոչ մի կերպ չի արձագանքում։ Քննչական կոմիտեն արդեն ստուգում է կատարում, քրեական գործ է հարուցվել «Սեռական բնույթի բռնի գործողություններ անչափահասի նկատմամբ» հոդվածով։ Դպրոցի տնօրենին ազատել են պարտականություններից, բռնաբարողներից մեկին բերման են ենթարկել, երկրորդին որոնում են:

Մանրամասները` տեսանյութում: