Կիևում ապառուսականացվել է 26 օբյեկտ․ Կլիչկո
Կիևի քաղաքապետ Վիտալի Կլիչկոն հայտարարել է քաղաքում ևս 26 օբյեկտների անվանափոխության մասին, որոնց արդեն նախկին անունները կապված են եղել Ռուսաստանի հետ։ Այդ մասին նա գրել է իր Telegram ալիքում։
«Կիևի քաղաքային խորհուրդն այսօր ապառուսականացրել է 26 քաղաքային օբյեկտներ», - ասել է քաղաքի ղեկավարը:
Այսպիսով, մետրոյի «Դրուժբի Նարոդով» կայարանը անվանափոխվել է Զվերինեցկայա կայարանի, Լև Տոլստոյի հրապարակը՝ Ուկրաինայի հերոսների հրապարակ, «Պրոսպեկտ Պրավդի» նախագծի կայարանը՝ «Վարշավսկայա» կայարան։
Կլիչկոյի խոսքով՝ իրենք անվանափոխել են նաև Կիևի տարբեր թաղամասերի մի քանի փողոցներ և նրբանցքներ։ Ընդհանուր առմամբ, Ուկրաինայի մայրաքաղաքում նոր անվանումներ են ստացել 314 քաղաքային օբյեկտ։
«Կիևում ապառուսականացման գործընթացը շարունակվում է»,- ամփոփել է քաղաքապետը։
Ավելի վաղ Կլիչկոն հայտարարել էր 16 քաղաքային տեղանունների անվանափոխության մասին, որոնք ասոցացվում էին Ռուսաստանի Դաշնության հետ։