ՄԻՊ-ին է դիմած յուրաքանչյուր մարդ պետք է անհատական ու մասնագիտական որակյալ մոտեցում ստանա․ Մանասյան
Մարդու իրավունքների պաշտպանին դիմած յուրաքանչյուր մարդ պետք է անհատական ու մասնագիտական որակյալ մոտեցում ստանա. Անահիտ Մանասյանի գլխավորությամբ խորհրդակցություն է անցկացվել։
Մարդու իրավունքների պաշտպան Անահիտ Մանասյանն այսօր՝ մայիսի 19-ին, անցկացրել է աշխատանքային խորհրդակցություն:
ՄԻՊ-ից տեղեկացնում են, որ քննարկմանը մասնակցել են ստորաբաժանումների ղեկավարներն ու աշխատակիցները: Քննարկվել են աշխատանքի կազմակերպման մեթոդաբանությանը վերաբերելի հարցեր:
Նշվում է, որ Անահիտ Մանասյանը հատուկ անդրադարձ է կատարել քաղաքացիների ընդունելության գործընթացի և նրանց կողմից ստացվող դիմում-բողոքների ուսումնասիրության պատշաճ կազմակերպմանը և նշել, որ Մարդու իրավունքների պաշտպանին դիմած յուրաքանչյուր մարդ պետք է անհատական և մասնագիտական որակյալ մոտեցում ստանա։
Խորհրդակցության վերջում Անահիտ Մնասյանը տվել է համապատասխան հանձնարարականներ: